Strandveiðar.

Menn í sjávarbyggðum landsins bíða nú eftir því að fá að fara að stunda strandveiðar. Strandveiðarnar í fyrra sumar gegnu vel og voru mikil lyftistöng fyrir sjávarbyggðir landsins.

Þær sköpuðu atvinnu, tekjur fyrir fjölskyldur, sveitarfélög og ríkið. Maður hefði ætlað að það væri mikill vilji til þess hjá stjórnvöldum að tryggja að þessar veiðar yrði stundaðar í sumar frá 1. maí að teknu tilliti til ástandsins í landinu.

Ástandið er þannig núna að enn hafa ekki ný lög um standveiðar farið í gegnum þingið. Það hefur verið talað um að þessar veiðar mættu hefjast 2. maí en það verður ekki ef fram heldur sem horfir. Málið er enn í meðförum þingsins og er önnur umræða þess nú í gangi. Það á eftir að klára hana og þá á málið aftur eftir að fara í nefnd áður en það verður tekið í þriðju umræðu og síðan til samþykktar eða höfnunar.

Þeir sem hafa fylgst með útgerð hér á landi vita að strandveiðar hafa ekki verið efst á óskalista L.Í.Ú. sem eins og þeir vita sem vilja, ráða því sem þeir vilja ráða í tengslum við stjórn fiskveiða hér á landi.

Það skiptir miklu fyrir sjávarbyggðir landsins að standveiðar geti hafist 2.maí og því verða lög og reglugerðir að liggja fyrir, fyrir þann tíma.

Nú verða menn að fara að taka hendur úr vösum og fara að sinna málum sem skipta fólkið í landinu máli. Málum sem skapa atvinnu og tekjur.

Athugasemdir

[Bjarni Kjartansson, 20.4.2010 kl. 11:16]

Já já allt gott og blessað með strandveiðar.  En hvar ætlar Sjávarútvegsráðherrann að að fá fiskinn, sem hann ætlar að láta smábáta veiða? Nú sem stendur eru okkar ástsælu fiskifræðingar búnir að gefa út að það sé ekki til fiskur í sjónum sem má veiða. Og hvað getur Ráðherra VG að gert? Það verður gaman að fylgjast með því.   Í þessar strandveiðar þarf svona 10.000 tonn ef þetta á að vera eins og frumvarpið segir. Annað er bara prump.

[Arnar Bergur Guðjónsson, 20.4.2010 kl. 11:51]

Það sem ráðherra getur gert, er að hunsa tillögur Hafró(sem er það eina rétta, enda Hafró alltaf á villigötum) og gefa svo skít í LÍÚ og lyfta löngutöng í leiðinni, enda má Mafían halda kjafti svona einu sinni.

En hvort ráðherra þori þessu efast ég um, en ef einhverjar töggur eru í þessum manni þá gerir hann þetta og ég bara hvet hann til þess að hætta að vera hræddur við Hafró eða LÍÚ tussurnar :)

Já ég er pirraður úr þessar geðveilustofnanir :)

[Grétar Mar Jónsson, 20.4.2010 kl. 11:55]

Bjarni það er nógur fiskur í sjónum og það á ekki að hlusta á fræðingana hjá Hafró.
Við vitum hverjir stjórna Hafró. Það þarf að kýla þetta standveiðifrumvarp í gegnum þingið, hefja fyrningu 1. sept. 2010, hefja frjálsar rækjuveiðar strax og fækka kvótabundnum tegundum strax.
Síðan þarf að skipa tvær rannsóknarnefndir, aðra til að rannsaka vinnubrögð Hafró og hina til að rannsaka áhrif kvótakerfisins á þjóðfélagið og Bjarni síðan þarf að virða mannréttindi á íslenskum sjómönnum.

[Grétar Mar Jónsson, 20.4.2010 kl. 11:56]

Alveg hárrétt Arnar og nú verðum við að fara að láta heyra í okkur.

[Bjarni Kjartansson, 20.4.2010 kl. 13:45]

Eg veit það Grétar það er mikið meira af þorski í sjónum en Hafró segir. En það fer engin eftir því sem við segjum það er vandamálið, sem er búið að vera í mörg ár. Það eru ráðamenn þjóðarinnar sem hafa aldrei hlustað á okkur, ekki einu sinni þótt þjóðarbúið sé á hausnum og eina leiðin sé að veiða meiri fisk. Það er Hafró sem er vandamálið, þar stoppar allt. Vinstri grænn Ráðherrann getur ekki farið fram hjá Hafró sem er fullt af vísindamönnum, hann þyrfti að segja sig úr flokknum fyrst.

[Árni Gunnarsson, 20.4.2010 kl. 17:00]

Enda þótt við leyfðum okkur að trúa þessum tölum Hafró um stofnstærð þá situr eftir ráðgjöfin um veiðarnar. Þar er ákvarðað hversu mikinn hluta stofnsins sé óhætt að veiða án þess að ógna viðkomunni.

Inn í þá ráðgjöf er reiknaður hinn svonefndi "náttúrulegi dánarstuðull" stofnsins. Með góðum rökum hefur verið bent á að sú reikningsaðferð sé í besta falli barnaleg en meiri líkur á að hún sé vísvitandi röng.

Nú reynir á þrótt Alþingis við að takast á við það verkefni að taka þessi völd af Hafró að einhverju leyti og láta þá með tímabundum ákvörðunum á það reyna hvort auknar veiðar skarði stofninn. Enda þótt það kæmi í ljós þá er skaðinn ekki hættulegur. Stofnarnir styrkjast og veikjast og gerðu það löngu fyrir daga Hafró.

En það verður fylgst vel með vinnu og afstöðu einstakra þingmanna við afgreiðslu málsins á Alþingi.

[Bjarni Kjartansson, 20.4.2010 kl. 21:24]

  Árni: Þetta er nákvæmlega svona eins og þú segir. Það þarf að brjóta upp þetta kerfi, það er bara enginn stjórnmálamaður sem hefur þor í það, eg veit ekki út af hverjum andskotanum svo er. Voru það ekki sprenglærðir fræðingar úr Háskólanum sem rústuðu öllu bankakerfinu og enginn hreyfði andmælum, þótt að þeir sæju hvað um var að vera. Mér finnst þetta vera keimlíkt með Hafró, harðlæst stofnun með sprenglærða fræðinga úr Háskólanum, sem sendir út tilskipanir tvisvar á ári um hvað sé mikið að fiski í sjónum og engin andmælir, nema mennirnir sem eru nær daglega á vetfangi og sjá með eigin augum hvað þetta er arfavitlaus útreikningur. Á þá hefur aldrei verið hlustað. Þetta er rannsóknarvert.

[Árni Gunnarsson, 20.4.2010 kl. 22:13]

Vissulega er þetta rannsóknarefni með blekkingar í nafni vísinda að leiðarljósi. Inni á Alþingi og í sjávarútvegsráðuneyti er þetta mál í erfiðum farvegi.

Ráðherra er langskólagenginn búvísindamaður og starfaði langa tíð við að stjórna menntasetri búvísinda. Þar eru viðurkennd vísindi ekki notuð til að brjóta þau til mergjar heldur er leitast við að koma þeim í sannfærandi búning. Ég hef átt tal við Jón Bjarnason um efasemdir mínar um réttmæti aflaskerðingar en fengið þá sýn á skilning hans að þarna sé málið í höndum þeirra sem kunni á þeim skil.

Í þessu máli hefur ráðherra síðasta orðið og það er vandamál þjóðarinnar í dag.

[Ingvi Rúnar Einarsson, 20.4.2010 kl. 23:31]

Ég á ekki von að Jón Bjarnason geri neitt.Það er búið að taka hann á teppið.Hann fær nú engu að ráða.Hann hefur fengið fyrirmæli,um að gera ekkert í sjávarútvegsmálum ef hann vill halda embættinu.

Það var fljótlega snúið upp á handlegginn á honum,þegar hann snerist í því,að leyfa makrílveiðar í net.Það þurfti ekki nema nokkra snobbveiðimenn til.

[Grétar Mar Jónsson, 20.4.2010 kl. 23:58]

já strákar það er umhugsunarvert hvort það geti verið að fiskifræðingarnir okkar séu jafn skaðmenntaðir og þeir hagfræðingar sem búnir eru að keyra þjóðfélagið á hausinn.

[Grétar Mar Jónsson, 21.4.2010 kl. 08:13]

Strandveiðifrumvarpið sem var 15 mál á dagskrá þingsins í gær var frestað. Þetta þýðir að litlir möguleikar eru til þess að það náist að gera það að lögum fyrir lok mánaðar sem þýðir að standveiðar hefjast sennilega ekki 2. maí.