Frábært

Það er frábært þegar þekking, reynsla og hugvit verður til þess að skapa þjóðinni tækifæri til að búa til aukin verðmæti úr sameiginlegri auðlind þjóðarinnar, fiskinum.

Það gleymdist á tímum útrásavíkinganna hversu mikill mannauður var til staðar í grunnatvinnuvegum þjóðarinnar. Mannauður sem byggði á þekkingu sem hefur orðið til vegna dugnaðar og atorku íslenskrar alþýðu, mann fram af manni.

Á grunni sjávarútvegs hafa orðið til iðnfyrirtæki sem hafa notað og nýtt þessa þekkingu til að hanna nýjar vélar sem gera okkur kleift að auka verðmæti auðlindar okkar fisksins.

Þessi fyrirtæki hafa einnig haslað sér völl á erlendum mörkuðum með framleiðslu sína, eins og Málmey er að gera og þar með skapað atvinnu og gjaldeyristekjur.

Það skiptir öllu máli að við notum og nýtum þær auðlindir sem við eigum og þann mannauð sem kann, getur og vill nýta þekkingu sína á þeim grunni.

 

 

Bylting í skreiðarvinnslu

Athugasemdir

[Axel Jóhann Hallgrímsson, 23.7.2009 kl. 12:12]

Gott mál

[Rafn Gíslason, 23.7.2009 kl. 18:24]

Já Grétar það er mikill manauður og hugvit í þessu landi sem getur gert frábæra hluti ef það bara fær að njóta sín.

[brahim, 24.7.2009 kl. 17:09]

Sammála þessu Grétar...mætti þó vera meira um það að fyrirtæki fullvinni fiskafurðirnar...afurðir sem væru tilbúnar beint á pönnu eða í ofn...vörur sem hægt væri að flytja á erlendan markað kanski...sjálfsagt er það gert að einhverju leiti án þess að ég hafi orðið var við það.

Það er gott og blessað að fyrirtæki hér á landi smíði vélar til að fullvinna fiskinn...og skapa þannig gjaldeyristekjur...en að hinu sem að ofan greinir þarf að huga líka.