Við þurfum að lifa núið af til þess að það verði framtíð fyrir okkur!!

Í vikunni voru aðeins 2 bátar af 60 á sjó frá Sandgerði. Ástæðan er kvótaleysi og það að menn geta ekki leigt sér kvóta á því verði sem nú er á aflaheimildum.  

Í fréttum í DV í vikunni kom fram hjá Birni Vali þingmanni Vinstri-Grænna að ASÍ stæði í veg fyrir því að breytingar yrðu gerðar á núverandi fiskveiðistjórnunarkerfi því það myndi skemma Stöðuleikasáttmálann, svokallaða. 

Mér fannst ótrúlegt að samtök launamanna stæðu í veg fyrir að hægt væri að skapa atvinnu fyrir þá sem nú eru atvinnulausir í sjávarútvegi. Ég hringdi í vin minn í verkalýðshreyfingunni og spurði hvort það væri satt að þeir stæðu í veg fyrir atvinnuuppbyggingu og hvort  samstarfið við SA væri mikilvægara en það að menn gætu sótt björg í bú. Hann sagði að svo væri ekki.  

Í gær var fundur í Garðinum þar sem rædd voru atvinnumál á Suðurnesjum og þar var Gylfi Arnbjörnsson frummælandi. Hann var spurður hvort það væri svo að hann og aðrir stjórnendur ASÍ stæðu í vegi fyrir þeim breytingum sem nú ætti að gera á fiskveiðistjórnunarkerfinu. Gylfi svaraði eins og manna er siður sem hafa slæma samvisku. Hann sló úr og í og sagði ekki neitt.  

Mér finnst tímabært að verkalýðshreyfingin fari að standa með sínu fólki í stað þess að vera í faðmlögum með SA. Í dag er þetta spurning um það hvort fólk hefur vinnu í sjávarbyggðum landsins. Spurning um hvort ríki og sveitarfélög fái tekjur til að standa undir þjónustu við þegnana og tekjur eru undirstaða velferðar.  

Þjóðin hefur ekki tíma til að bíða eftir að eitthvað verði gert í atvinnumálum í ókominni framtíð. Það þarf að taka til hendinni núna því við þurfum að lifa núið af!  

Í sjávarútvegi er til staðar fjárfestingar og fólk sem er tilbúið að leggja á sig vinnu til að skapa sér og þjóðinni allri tekjur. Það sem þarf er að menn hætti að láta sérhagsmuni fárra verða þess valdandi að þjóðin geti ekki brauðfætt sig á heiðarlegan hátt. 

Nú er mál að verkalýðshreyfingin fari að hugsa um sitt fólk, það fólk sem þeir eru fulltrúar fyrir.

Athugasemdir

[Ásgeir Gunnarsson (IP-tala skráð) 5.3.2010 kl. 09:58]

 Verkalíður Islands á aðeins eina óselda sál um þessar mundir það er Vilhjálmur Birgisson  sem en virðist hafa kjark dugnað og þor , en verður hann ekki líka idjót ómerkilegur ómenskur ef hnn kemst til  aukinar metorða innan ómerkilegs kerfis verkalíðhreifinga  ?  þarf hann ekki að þinglýsa sínum löforðum  svo standi við ? Islendingar eru til áratuga sviknir misnotaðir sem búfénaður elítunar peninga og fjórflokka ómensku

[ragnar bergsson, 5.3.2010 kl. 23:37]

ASÍ er taglhnýtingur útgerðarauðvaldsins og það þarf að gera byltingu innan verkalýðsfélaganna. Það eru þessir stóru hagsmunaaðilar sem stjórna landinu. Þetta þarf að brjóta upp. Besta aðferðin til þess er að halda þjóðaratkvæði um öll stærri mál.