Skýrslan og það sem vantar.

Það ber að fagna útkomu skýrslunnar hún er góð svo langt sem hún nær.

Það sem vantar er að farið sé aftur til ársins 1990 þegar að frjálsa framsalið var sett á. Að mati Þorvaldar Gylfasonar er frjálsa framsalið grunnurinn að banka hruninu 2008.

Einnig hefði ég viljað sjá að siðferðisnefndin hefði fjallað um mannréttindabrot gegn íslenskum sjómönnum.

Það verður ekki hægt að byggja upp nýtt ísland fyrr en tekið verður á þessum þætti í sögu lands og þjóðar.

Þrátt fyrir þessa annmarka skýrslunnar þá gefur hún tilefni til þess að hreinsa til í stjórnkerfinu og taka á sérhagsmunum  fárra sem hindra að hagsmunir almennings hafi forgangi í íslensku samfélagi.

Það er margt sem þarf að gera nú þegar og eitt af því er að skipa landsdóm. Hér er ályktun Frjálslynda flokksins varðandi landsdóm.

 

Athugasemdir

[Haraldur Pálsson, 13.4.2010 kl. 13:16]

Á blaðsíðu 80 í 1. bindi er hefst tveggja blaðsíðna kafli um fiskveiðistjórnun við Ísland.

Þar er farið mun lengra aftur en til ársins 1990, í raun er farið alveg aftur til ársins 1870 og er þar farið yfir áhrif sjávarútvegsins á efnahagssveiflur landsins.

Eins og heiti kaflans gefur til kynna, er það rakið hversu alvarlegar afleiðingar léleg fiskveiðistjórnun hafði haft á hagkerfi Íslands í gegnum áratugina. Í kaflanum er atvikaröð þess að kvótakerfið var sett á rakin ítarlega og nauðsyn þess er einnig getið í kaflanum. Framsal aflaheimilda er ekki í einu orði talið hafa ein minnstu áhrif á þennslu eða hrun íslenska efnahagskerfisins. Heldur þvert á móti er kerfið talið auðvelda uppbyggingu sjávarútvegs og stuðla að aukinni hagkvæmni.

[Grétar Mar Jónsson, 13.4.2010 kl. 16:53]

Ég legg til að þú lesir þennan kafla aftur Haraldur því hann er mjög almenn eðlis og þar segir ekkert um áhrif frjálsa framsalsins á þá bólu sem hér varð í bankakerfinu. 

[Haraldur Pálsson, 13.4.2010 kl. 16:58]

Rétt er það Grétar. Það er einfaldlega svarið, kvótakerfið hafði ekkert með þessa bólu að gera. Heldur var öfugt farið, kvótaverðið hækkaði umfram allt sem eðlilegt var í bólunni eins og svo margt annað á Íslandi. t.d. fasteignamarkaðurinn,