Þjóðartkvæðagreiðsla

Það er leitt til þess að vita að þjóðinni hafi verið sýnd það mikil harka í Icesave samnings ferlinu að ekki hafi verið hægt annað en að koma heim með samning sem felur í sér afarkosti fyrir þjóðina.

Það er til önnur leið til að sýna Bretum og Hollendingum fram á það að við erum stolt þjóð sem sættum okkur ekki við að þannig sé komið fram við okkur.

Það er nú í gagni undirskriftasöfnun á kjosa.is þar sem er áskorun til forseta landsins um að hann skrifi ekki undir lög sem staðfesta Icesave samninginn, ef svo vildi til að Alþingi samþykkti hann.

Látum ekki binda okkur í skuldaklafa til framtíðar. Skuld er skuld þó það þurfi ekki að borga hana fyrr en eftir sjö ár.

 

Bretar sýndu hörku þar til yfir lauk í viðræðunum

Athugasemdir

[Hafsteinn Viðar Ásgeirsson, 1.7.2009 kl. 09:07]

Ég held nú Grétar minn, að ef þessir 63 trúðar sem voru kosnir þarna inn á dögunum geta ekki komist að vitlegri niðurstöðu, þá er nú lítil von með alla þjóðina undir.

Það virðist hinsvegar alveg ljóst af því sem fram hefur komið um þetta rugl, að við eigum ekki marga kosti, ef ekki á að setja hér allt á ís vegna lánsfjárskorts. Það virðast bara vera tveir kostir og báðir vondir og af tvennu illu held ég að við verðum að standa við það sem fyrri stjórn sannanlega gekkst inná.

[Grétar Mar Jónsson, 1.7.2009 kl. 10:05]

Sæll Haddi. Þjóðin hefur ekki alltaf verið sammála því sem háttvirtir alþingsmenn hafa gert að lögum.

Oftar en ekki hefur lagasetning leitt til þess að hagsmunir fárra hafa verið teknir fram yfir heildarhagsmuni. Kvótakerfið er einn af þeim gjörning.

Ég er hræddur um að það sama sé upp á teningnum varðandi Icesave. Þeir eru ekki til þess fallnir að tryggja hag almennings í landinu.

Við eigum ekki að láta troða ofan í kok á okkur samningi sem gerir okkur að þrælum.

[Hafsteinn Viðar Ásgeirsson, 1.7.2009 kl. 11:19]

Ég er sammála þér með kvótakerfið Grétar, mér finnst þetta hinsvegar dálítið öðruvísi vaxið, get ekki að því gert. Þetta frumvarp er ekki að gera okkur að þrælum að mínu viti, það var allt búið og gert, frumvarpið eru viðbrögð við því og svo þarf að fara í að elta uppi "þrælasalana".

By the way, heyrðirðu í henni Ólínu Þorvarðar í morgun? Ansi var ég ánægður með málflutninginn hjá henni. Hún hefur svo sem gáfur til að setja sig inní ruglið og virðist vera að því. En það hafa nú fleiri sem hafa þær, án þess að vera tilbúnir til að nota þær í sama tilgangi???

[Grétar Mar Jónsson, 1.7.2009 kl. 13:22]

Kvótakerfið og Icesave eiga það sameiginlegt að virða að vettugi hag almennings í landinu. Leiguliðar og þrælar eru sama marki brenndir, þeir eru ekki fjálsir.

Að sjálfsögðu á bæði að elta uppi þrælasalana og aðra þá sem fjötra almenning í ánauð.

Já ég er sammála þér um það að Ólina hefur staðið sig vel undanfarið varðandi kvótakerfið og þá sérstaklega þegar umræðan um standveiðar fóru fram á Alþingi.