Andlát mitt er stórlega ýkt!

Það vekur furðu að lítil frétt á heimasíðu Frjálslynda flokksins hafi vakið jafn mikla athygli og raun ber vitni. Fréttin var um að flokkurinn hafi tekið á leigu nýtt húsnæði og ætlaði með haustinu senda frá sér fréttatilkynningu.

Þessi frétt á heimasíðunni leiddi til þess að Smugan sá ástæðu til að byrta  fréttaskýringin þar sem farið er yfir sögu flokksins undanfarin ár sem að mörgu leiti er sorgarsaga.

Engin höfundur er tilgreindur á þessari fréttaskýringu. En þar segir meðal annars; "Bræðralag Múhameðs spámanns er ekki lengur helsta ógn Íslands að mati flokksins, heldur er það sem fyrr bræðralag útgerðarmanna sem er höfuðóvinurinn. Handfærin virðast í bili hafa komið í veg fyrir handpikkun við landamærastöðvar. Óvinir innanlands eru verkefni dagsins, og hinir hafa verið settir á salt".

Það að blanda saman umfjöllun um innflytjendur og sægreifa segir meira um þann sem skrifar þessa fréttaskýringu en mörg orð. Það varðar þjóðarhag að núverandi fiskveiðikerfi verði lagt af í þeirri mynd sem það er nú í. 

Nýtt Ísland má ekki byggja á því að sérhagsmunahópar hafi sjálftöku á auðlindum sem hægt er að veðsetja og leigja til almennings sem gerðir eru að leiguliðum, bræðralags sægreifanna.

Í Fréttablaðinu er heill leiðari lagður undir andlát Frjálslynda flokksins og þar segir; "Á þeim tæpu ellefu árum sem liðin eru frá stofnun hans hefur flokkurinn lagt ýmislegt gott til íslenskra stjórnmála, þrátt fyrir óheppileg hliðarspor á borð við það þegar einstakir forystumenn hans virtust daðra við útlendingahræðslu í málflutningi sínum. Hin jákvæða arfleifð Frjálslyndra felst meðal annars í því að hafa aldrei misst sjónar á því hverjar hinar raunverulegu undirstöður íslensks atvinnulífs eru, líka á þeim tímum þegar flestir aðrir landsmenn töldu sig heimsmeistara í verslunar- og bankarekstri."

Málið er að málstaður Frjálslynda flokksins um óréttlátt kvótakerfi og afleiðingar þess fyrir íslenskt samfélag skiptir máli og ekkert má koma í veg fyrir að raddir þeirra sem berjast fyrir því af afnema það kerfi verði þögguð.

Það ber að benda á og árétta það að kvótakerfið er ekki eitt mál það varðar alla þætti samfélagsins. Það varðar jafnrétti, jöfnuð og jafnræði. Allt það sem gerir samfélag að réttlátu samfélagi þar sem hagsmunir fárra er ekki látnir ganga fyrir hagsmunum almennings.

Það má ekki gerast nú þegar verið er að vinna að því að skapa nýtt Ísland að Bræðralag sægreifanna fái að valsa um auðlindana með sama hætti og þeir hafa gert fram til þessa. 

 

Athugasemdir

[Óskar Helgi Helgason (IP-tala skráð) 31.7.2009 kl. 15:39]

Heill og sæll; Grétar Mar !

Átti leið; í næstliðinni viku, suður með sjá, og kom við, í Sandgerði, meðal annars. Það var á tali; hjá þér, svo ég hugsa mér gott til samfunda við þig, síðar.

Ég mun kappkosta; að fylgja ykkur Guðjóni Arnari - og slektinu öllu; en,.... skilyrði þess er; þjóðfélags bylting sú, hver verða mætti - og Alþingi yrði fargað í núverandi mynd; alfarið, og við megi taka : Byltingarráð þjóðernissinnaðrar Alþýðu, hvert stuðla mun, að vexti sjávarútvegs og landbúnaðar, auk þess iðnaðar, hver verðmæti skapar; í lands og lýðs og fénaðar þágu.

Hittumst heilir !

Með beztu kveðjum; sem jafnan, og fyrri /

Óskar Helgi Helgason 

[Grétar Mar Jónsson, 31.7.2009 kl. 15:52]

Takk fyrir þetta Óskar,  ég get nú ekki lofað þér Byltingarráði en mun hér eftir sem hingað til leggja mitt að mörkum til að afnema kerfi bæði í sjávarútveg sem og landbúnaði sem eru til þess eins fallin að hylgla sérhagsmunum fárra.