Standveiðar

Það var frétt á vísi.is í gær um; Líf í höfnum landsins þar sem kom fram að Illugi Gunnarsson finnur standveiðum allt til foráttu. Hann gefur sér að veiðidögum muni fækka og bátum muni fjölga.

Illugi ætti að sjá sóma sinn í því að fjalla um standveiðar eins og sá sem veit hvaða afleiðingar kvótakerfið hefur haft fyrir sjávarbyggðir landsins.

Einnig ber að nefna ef spá Illuga um fjölgun báta rætist þá væri það ekkert nema af hinu góða fyrir hag landsins og afkomu almennings.

Orðið hagkvæmni í sjávarútvegi er það sem hefur leitt okkur í þær ógöngur sem við erum nú í svo það væri rétt hjá Illuga að fara varlega með það orð í tengslum við sjávarútveg.

Annar varðhundur sægreifana Einar K. Guðfinnsson segir að strandveiðar hafi ekki leitt til nýliðunar í kerfinu og má vel vera að það sé rétt. Það sem Einar veit er að menn sem voru hættir að stunda sjósókn og áttu báta sem lágu við bryggju fóru aftur að stunda veiðar.

Einar hefur þó rétt fyrir sér í því að huga þarf að breytingu á svæðaskiptingunni og er það von mín að það verði gert fyrir næsta sumar.

Ólína sem svaraði þeim félögum sagði allt það sem segja þarf, standveiðar hafa leitt til þess að nú er aftur líf í höfnum sjávarbyggðanna. Ólina bloggaði um þetta mál; Strandveiðarnar færa líf í hafnir

Alþingsmenn ættu að hafa það hugfast að hlutverk þeirra er að hafa hagsmuni almennings að leiðarljósi í störfum sínum en ekki sérhagsmuni fárra.

Að lokum legg ég til að núverandi fiskveiðistjórnunarkerfi verði lagt af.

Athugasemdir

[Sigurður Þórðarson, 12.8.2009 kl. 09:14]

Það er lítið vit í að bera illan hug til strandveiða og fólksins í sjávarþorpunum sem hefur lífsviðurværi sitt af þeim og skilar björg í bú.

Illugi er algerlega úti á þekju í þessu máli.

[Árni Gunnarsson, 12.8.2009 kl. 09:49]

Illugi er ekki úti á þekju, hann er Siglfirðingur. Aftur á móti er hann hræddur um að ef einhverjar breytingar verði festar í sessi þá fari kvótakerfið að riðlast. Illugi er nefnilega ekki bara Siglfirðingur heldur fyrst og fremst flokkshollur.

[Grétar Mar Jónsson, 12.8.2009 kl. 13:30]

Þetta er rétt strákar þeir Illugi og Einar eru fyrst og fremst taglhnítingar LÍÚ klíkunnar.

[Atli Hermannsson., 12.8.2009 kl. 17:24]

Ég skoðaði aðfinnslur þeirra Einars og Illuga á alþingisvefnum sem áttu í orða-skaki við Ólínu sem svaraði þeim snyrtilega. Það eru margir gallar á strandveiðikerfinu og var ekki við öðru að búast eins og fyrirvarinn var stuttur. En þá er bara að gera breytingar í ljósi reynslunnar og bæta við10 þúsund tonnum á næsta ári -  eða það miklu að það jafngildi í raun frjálsum veiðum. (tillögur frjálslyndra) Annars verða menn stöðugt í óþarfa innbyrðis kappróðri, í stað þess að geta hagað seglum eins og hverjum hentar. Þá er ég líka viss um að þegar kappið er farið detta margir út og eftir verða aðeins þeir sem eitthvað hafa í þetta að gera... en þeir eru miklu færri en 500    

[Árni Gunnarsson, 12.8.2009 kl. 19:34]

Sammála Atli. Þetta þarf að sjálfsögðu að endurskoða í ljósi reynslunnar af þessari tilraun sem ég tel hafa tekist nokkuð vel.

[Grétar Mar Jónsson, 13.8.2009 kl. 07:57]

Já Atli eins og Árni segir er ég þér samála um að það þarf að skoða kerfið eftir sumarið. Ég er samála þér um að leyfa meiri veiði og það að bæta við 10.000 tonnum er ekki slæm tillaga og tek ég undir hana. Það hvað margir róa í þessu kerfi kemur kannski til með að helgast af því hvaða laun menn eru að fá. Hvort þeir eru fleiri eða færri skiptir kannski minnstu í þessu heldur hitt að þessar veiðar eru frjálsar.