Atvinnuleysi meðal leiguliða

Ástandið í sjávarútvegsmálum þessa stundina er með eindæmum og algjörlega óviðunandi. Nú þegar þjóðfélagið þarf á öllum þeim tekjum að halda sem hægt er að afla.

Sægreifarnir leigja ekki frá sér eitt einasta gramm. Leiguliðarnir fá ekki aflaheimildir og eru þeir að binda báta sína við bryggju og segja upp mannskapnum. Skýringin á þessu er að sægreifarnir virðast ætla að svelta og útríma leiguliðunum áður en fyrningin verður tekin upp 2010 til að tryggja stöðu sína.

Margir sjómenn hafa verið að hringja í mig undanfarnar vikur til að ræða við mig um þetta ófremdarástand. Þeir hafa áhyggjur af afkomu sinn og þeirra manna sem þeir þurfa að segja upp. Þeir eru reiðir og eru orðnir langþreyttir á núverandi ástandi.  Þeir hafa ekki hátt á opinberum vettvangi vegna ótta við að fá ekki þá fáu brauðmola sem falla af borðum greifanna.

Þessu má breyta í dag ef Jón sjávarútvegsráðherra og ríkisstjórnin hefðu kjark, dug og þor til að gera þær breytingar sem þarf.  Það á að bæta við 15.000 tonnum í ýsu, ufsa og þorski  og taka hana út fyrir aflamark, einnig á að taka rækju og skötusel út úr kvóta og leyfa frjálsar veiðar á þeim tegundum. Þetta á að gera nú þegar því þetta þolir enga bið.

Á síðasta fiskveiðiári nýttum við ekki 60.000-70.000 tonn af bolfiski auk rækju sem var geymt á milli ára vegna geymsluréttar sem í dag er 33%. Þessu þarf líka að breyta strax niður í 5%.

Það er engin ástæða til að bíða eftir töfralausnum í sambandi við atvinnumál eða leiða til að auka þjóðartekjur. Það er hægt að gera strax án þess að til þess þurfi að koma lánveitingar eða fjárfestingar upp á milljarða.

Það er synd að vita til þess að með einfaldri aðgerð er hægt að hækka atvinnustig, auka þjóðartekjur og auka bjartsýni meðal almennings allt sem þarf er dugur, þor og kjarkur.

Athugasemdir

[Atli Hermannsson., 21.10.2009 kl. 12:10]

Ástandið er svo surealískt að engu tali tekur. Því á meðan starfsmenn atvinnuþróunarskrifstofa allt í kringum landið sitja sveittir við að reyna að brydda uppá einhverju sem gæti skapað svo sem eins og eitt og tvö störf - þá syndir fiskurinn í sínu verndaða umhverfi fyrir utan hafnargarðinn því það má ekki snerta hann - fyrr en á næsta ári eða þarnæsta. Staðreyndin er sú að meira en 30% líkur er að hann verði dauður þá af náttúrulegum ástæðum og þá engum tilgagns.  

[Sigurður Jón Hreinsson, 21.10.2009 kl. 12:26]

Já því miður virðast menn eingöngu sjá þá leið til að auka verðmætasköpun í landinu, að skuldsetja sig og þjóðina ennþá meira.  Með aukinni sókn í okkar verðmætustu auðlind má stórauka gjaldeyrissköpun án nokkurrar fjárfestingar. 

Það er ekki gott að vera fórnarlömb brjálaðra vísindarmanna.

[Árni Gunnarsson, 21.10.2009 kl. 16:37]

Verst að á bak við þetta er grímulaus hagsmunagæsla þeirra sem þurfa að leigja frá sér kvótann. En stór hluti þjóðarinnar er orðinn sljór fyrir þessari umræðu.

[Grétar Mar Jónsson, 21.10.2009 kl. 18:56]

Þetta er alveg rétt drengir, þjóðin er orðin sljó fyrir þeim möguleikum sem fyrir hendi eru í sjávarútvegi. En ekki bara þjóðin heldur virðast ráðherrar ekki hafa  dug,þor og kjark til að taka á sérhagsmunagæslu og fræðimennirnir hjá Hafró virðast vera fastir í einhverju fari sem allir þeir sem hafa komið nálægt sjósókn vita að er arfavitlaust.

[Þórður Már Jónsson, 21.10.2009 kl. 23:42]

Stór hluti þjóðarinnar eru fórnarlömb heilaþvottar. Menn átta sig almennt ekki á því hversu alvarlegt þetta er.

[L.i.ú., 22.10.2009 kl. 12:52]

Það er ekkert sem mælir gegn því að línu-og handfæraveiðar verði gefnar frjálsar nú þegar, ásamt því að gefa frjálsar skötusels, rækju, grálúðu og humarveiðar. Samkvæmt gögnum Hafró er veiðihæfni línu 0,6% við þorskveiðar og því útilokað að höggva stór skörð í stofnin með þeim.

Það er ömurlegt að horfa á hverja útgerðina af annari stoppa og segja upp sínu fólki, útgerðir sem fyrir fáeinum misserum voru vel stæðar og vel reknar. Hins vegar er það ekki alslæmt að dregið hafi úr kvótaleigu þar sem það skapar engin störf að færa heimildir á milli skipa.

Þetta kerfi er á allan hátt vont og því á að fleygja á ruslahaug sögunar.

[Grétar Mar Jónsson, 22.10.2009 kl. 18:56]

Þú ert góður L.Í.Ú. maður 

[Georg Georgsson (IP-tala skráð) 25.10.2009 kl. 08:41]

Góð færsla, gaman væri að sjá hvað verið er að tala um í verðmætum og ekki síst hversu mörg störf hægt væri að skapa, ef við bara breyttum reglum varðandi fluttning á aflaheimildum milli ára. Talað er um að eitt starf í álveri kosti um tvö hundruð milljónir fyrir utan kostnað við þær vatsaflsvirkjanir sem við yrðum að ráðast í að reisa.

[Grétar Mar Jónsson, 25.10.2009 kl. 13:42]

Georg ég svara spurningunni þinni meðala annars í þessari færslu;

http://gretarmar.blog.is/blog/gretarmar/entry/959136/  

þar segir m.a.

Geymsluréttin á að afnema strax því á síðasta fiskveiðiári þýddi þetta að ekki voru veidd 25.000 tonn af þorski, 20.000 af ýsu, 20.000 tonn af ufsa, rækjukvótinn er ekki fullnýttur og ýmsar aðrar tegundir. Í tekjum má áætla að þetta séu um 20 -30 milljarðar. 400-500 störf til sjós tapast og annað eins í landi. Þjóðartekjur eru því minni en þær þyrftu að vera út af  arfavitlausu fiskveiðistjórnunarkerfi.