Grátkórar greifanna

Nú byrjar grátkór þeirra sem fengu auðlind þjóðarinnar, fiskinn, í sínar hendur að kvarta yfir því að þeir gætu þurf að afskrifa það sem þeir telja vera sina persónulegu eign úr bókhaldinu, ef fyrningarleiðin verði farin.

Hvernig gat það gerst að fáum einstaklingum var gert kleift að færa til eignar auðlindina í hafinu sem er sameign allrar þjóðarinnar?

Byrjun þessa fáránlega kerfis var að menn fengu úthlutuðum kvóta frá ríkinu og máttu veiða ákveðið magn af fiski. Þetta átti meðal annars að koma í veg fyrir ofveiði og stuðla að hagræðingu í greininni. Þessar forsendur laganna hafa aldrei náðst en í staðin varð til sjálftöku greifar sem halda að fiskurinn í sjónum sé þeirra og þeir geti eignfært hann og tekið lán með veði út á óveiddan fisk, sem gæti synt í burtu.  

Það eina sem lögin um fiskveiðistjórnun hefur leitt til er að það er til lítill hópur manna sem teljur sig eiga auðlinda og þeir hafa fært hana sem sína eign. Þeir reka nú upp harmakvein og kvarta yfir að þurfa að afaskrifa sameign þjóðarinnar úr eigin bókhaldi. 

Þeir hafa verið af taka lán út á þessa bókfærðu eign, sem er óveiddur fiskur, sem syndir um frjáls í hafinu. 

Sumir hafa séð ástæðu til að selja auðlindina til annarra og fengið góðan pening fyrir sem þeir hafa notað í brask og fjárhættuspil.

Þeir hafa leigutekjur af auðlind þjóðarinnar sem þeir fá í sinn hlut það er þjóðin öll sem á að njóta góðs af auðlind sem hún á. 

Það er mál til komið að hætt sé að taka sérhagsmuni fárra fram yfir heildarhagsmuni allra þegna landsins.

Fyrningaleiðin er leið sem á að fara og þó að ég telji að of hægt sé farið í að leggja af þetta kerfi er það þó byrjunin.

Kveðja,
Grétar Mar

Athugasemdir

[Bjarni Líndal Gestsson, 20.5.2009 kl. 17:56]

Góð grein Grétar. Það verður aldrei nógu oft hamrað á þessu kerfi. Ég tek undir það  með þér fyrningaleiðin er of hægfara. En lítið skref er betra en ekkert og vonandi stefumarkandi  til framtíðar.

[Grétar Mar Jónsson, 21.5.2009 kl. 07:54]

Já Bjarni litlu skrefin eru oft góð þegar breyta á kerfum, við hefðum betur farið fetið þegar lögin voru sett.

Sæl Sigurbjörg - hagræðingin var aldrei hugsuð til að tryggja fólkinu í sjávarbyggðunum atvinnu og öryggi - enda var ekki verið að hugsa um fólkið þegar kerfinu var komið á.     nú hef ég tíma til að svara athugasemdum þannig að ég ákvað að opna fyrir þær

[Ragnar Marinósson (IP-tala skráð) 21.5.2009 kl. 10:28]

Góð grein og komin tími til að leyfa athugasemdir.

Góða ferð og góða skemmtun á Spáni.

kveðja Ragnar