Skjaldborgin

Loforð núverandi ríkisstjórnar var að standa vörð um hag heimilina í landinu.

Þessi hækkun á bensínverði er svo sannarlega ekki til þess fallin.

 

Bensín hækkar um 12,50 krónur

Skattur á neysluvöru.

Það hringdi í mig ungur maður um daginn og var hann mjög reiður. Hann sagðist vera mjög óhress með hagstjórn nýju ríkissjónarinnar. Eina sem þeim dytti í huga að gera væri að hækka neysluvörur, svo sem tóbak, vín og bensín. Hann sagði jafnfram að þetta væri gamaldags hagstjórnartæki sem ekki myndi skila neinu nema að skerða kjör hins almenna borgara.

Það sama má segja um sykurskattinn. Hann veldur hækkun á vísitölu sem þýðir hærri afborganir af lánum.

Það er alveg á hreinu að þessi aðgerð er ekki til þess fallin að standa vörð um hagsmuni fjölskyldnanna í landinu. 

 

Skattur á kex og gos í 24,5%

Flott

Þetta eru góðar fréttir.

Fyrstu langreyðarnar í land

Hvalveiðar hefjast!

Þessi frétt er á DV.is: Hvalur 9 hélt á veiðar í nótt

Við vorum sett að veði.

Samkvæmt orðum Indriða í þessari frétt var Íslenska þjóðin sett að veði í útrás víkinganna. Indriði telur ekki óeðlilegt að gegnið verði að veðum sem eru eignir þjóðarinnar svo fremi sem það stangist ekki á við stjórnarskrá.

Það þarf að aflétta leynd af Icesave samningunum þannig að þjóðin fái upplýsingar um það hvað henni er ætlað að borga og hvernig. Einnig er nauðsynlegt að fá það á hreint að hvaða eignum þjóðarinnar, Hollendingar og Bretar geta gegnið ef það verður samþykkt að ganga að þessum samningi.

Þjóðin er ríkið og ríkið er þjóðin.

Kveðja,
Grétar Mar

 

Spurning um daga hvenær leynd verður létt af Icesave

Icesave

Framkvæmdastjórn Frjálslynda flokksins leggst alfarið gegn svo kölluðu ice-save samkomulagi. Frjálslyndi flokkurinn fordæmir að ekki hafi verið látið reyna á rétt Íslendinga fyrir dómstólum t.d. með tilliti til hryðjuverkalaga Breta gegn íslenskri þjóð. Í því samkomulagi sem ríkisstjórn hefur kynnt og á eftir að samþykkja á alþingi er rétti okkar til þess að láta reyna á dómstólaleiðina fyrirgert. Það fordæmir Frjálslyndi flokkurinn harðlega og lýsir fullri ábyrgð vegna þess á hendur ríkisstjórnarflokkunum, Samfylkingu og Vinstri grænum.

Veit Sigmundur Ernir ekki í hvaða flokki hann er?

Það vekur furðu að Sigmundur Ernir gerir ekki annað en að spyrja samflokksmenn sína um eitt og annað á Alþingi.

Ætli hann fái ekki að vera með á þingflokksfundum?

Talar hann ekki við samflokksmenn sína?

Eða er hann settur í þetta hlutverk til að vekja athygli fjölmiðla á stefnumálum Samfylkingar eða til að koma sjálfum sér á síður blaðanna?

Kveðja,
Grétar Mar

Umræða um strandveiðar á Alþingi í dag!

Það verður að hrósa Samfylkingunni fyrir umræðuna um standveiðar.

Þeir fulltrúar hennar sem hafa tekið þátt í umræðunni á Alþingi í dag hafa gert það með þeim hætti að það virðist vera von til þess að breytinga sé von á núverandi fiskveiðistjórnunarkerfi.

Kerfi sem hingað til hefur haft hagsmuni fárra að leiðarljósi.

 

 

Við borgum ekki!

Ég var einn af þeim þingmönnum sem sat hjá við afgreiðslu laga um að ganga til samninga um Icesave reikningana.

Það er enn skoðun mín að þjóðin á ekki að borga þessa reikninga.

Ég vildi að við slitum stjórnmálasamstarfi við Breta og myndum senda sendiherrann þeirra heim.

Það á ekki að binda næstu kynslóð í skuldaklafa vegna þessarar reikninga.

Kveðja,
Grétar Mar

Icesave mótmælt

Afleiðing geymslurétts milli ára.

Síðastliðið haust voru sett lög frá Alþingi þar sem sægreifunum var veitt heimild til að geyma kvóta í sjónum á milli ára.

Þessi lög eins og önnur sem varða fiskveiðistjórnun voru sett vegna þrýstings frá L.Í.Ú..

Afleiðingar þeirra eru þær að minna er veitt af fiski. Þetta skaðar að sjálfsögðu almannahag þar sem þetta leiðir til minni afla og lægri tekna fyrir þjóðarbúið.

Önnur afleiðing er sú að leiga á veiðiheimildum hefur hækkað sem hindrar þá sem ekki eiga kvóta til að leiga sér hann. Þetta leiðir til þess að færri sjá sér fært að stunda sjósókn.

Þetta leiðir til þess að færri geta haft atvinnu af sjávarútvegi en ella hefði verið ef lögin hefðu ekki verið sett.

Á vísi.is í dag er eftirfarandi frétt: Verðmæti heildaraflans minnkaði um 10% í maí. Í þessari frétt er ekki leitað skýringa á því hvers vegna heildarafli hefur minnkað.

Þetta er ekki náttúrulögmál heldur afleiðing eins anga núverandi fiskveiðistjórnunarkerfis.

Kveðja,
Grétar Mar

Er eitthvað einfalt í dag!

Það hefur alltaf verið einfalt að halda niður launum hjá þeim sem eru á lægstu laununum. Þeim hefur verið haldið niður með þeim formerkjum að það varði þjóðarhag.

Það hefur aldrei náðst að hækka laun þeirra lægst launuðu þannig að þau séu mannsæmandi vegna þess að það var sagt stefna efnahagslífi þjóðarinnar í voða.

Nú segir þingmaður Samfylkingar að ekki sé einfalt að lækka laun þeirra sem hafa meira en milljón á mánuði. Það væri kannski ráða að bera við þjóðarhag!

Það er komin tími til að þeir sem hafa haft sjálftökurétt á launum og þeir ríkisstarfsmenn sem hafa haft margföld laun verkamanns sýni þjófélagslega ábyrgð.

Það er kominn tími til að hætta að röfla og fara að koma sér í gegnum snjóskaflinn áður en það fer að fenna aftur.

Það var hægt að setja neyðarlög á einum degi og það ætti að vera hægt að setja lög um laun ríkistarfsmanna sem hafa meira en miljón á mánuði á sama tíma.

Þjóðin hefur ekki efn á að borga þessi laun.

Kveðja,
Grétar Mar

„Ekki einfalt að lækka laun ríkisstarfsmanna"

Að standa vörð um grunnþjónustu!

Núverandi stjórnvöld tala um að grunnþjónusta verði ekki skert.

Það að þyrla verði ekki tiltæk í 10 daga á ári er ekkert annað en skerðing á grunnþjónustu. Þetta er líkt því að loka slökkvistöðvum í 10 daga í þeirri von að hvergi verði eldsvoði á þeim tíma.

Það að þyrla sé tiltæk varðar öryggi til sjós og lands þar sem slysin gera ekki boð á undan sér. Landhelgisgæslan á að tryggja það að mannslífum verði ekki stefnt í voða vegna skorts á þjónustu.

Það þarf að tryggja það að Landhelgisgæslan geti sinnt hlutverki sínu. 

 

Engin þyrla tiltæk í 10 daga á ári

Það þarf vilja!

Það má ekki gerast að Eva Joly hætti að sem ráðgjafi sérstaks saksóknara.

Hún hefur getu, þekkingu og vilja til að tryggja að þessi rannsókn verði gerð með þeim hætti að öll spil verði lögð á borðið. Það er eitt af því sem gefur möguleika á að sátt náist í þjóðfélaginu um að koma því á réttan kjöl.

Stjórnvöld þurfa að tryggja nægilegt fjármagn til að rannsóknin gagni hratt og vel fyrir sig.

Kveðja,
Grétar Mar

Ein mikilvægasta rannsóknin

Grátkórar greifanna

Nú byrjar grátkór þeirra sem fengu auðlind þjóðarinnar, fiskinn, í sínar hendur að kvarta yfir því að þeir gætu þurf að afskrifa það sem þeir telja vera sina persónulegu eign úr bókhaldinu, ef fyrningarleiðin verði farin.

Hvernig gat það gerst að fáum einstaklingum var gert kleift að færa til eignar auðlindina í hafinu sem er sameign allrar þjóðarinnar?

Byrjun þessa fáránlega kerfis var að menn fengu úthlutuðum kvóta frá ríkinu og máttu veiða ákveðið magn af fiski. Þetta átti meðal annars að koma í veg fyrir ofveiði og stuðla að hagræðingu í greininni. Þessar forsendur laganna hafa aldrei náðst en í staðin varð til sjálftöku greifar sem halda að fiskurinn í sjónum sé þeirra og þeir geti eignfært hann og tekið lán með veði út á óveiddan fisk, sem gæti synt í burtu.  

Það eina sem lögin um fiskveiðistjórnun hefur leitt til er að það er til lítill hópur manna sem teljur sig eiga auðlinda og þeir hafa fært hana sem sína eign. Þeir reka nú upp harmakvein og kvarta yfir að þurfa að afaskrifa sameign þjóðarinnar úr eigin bókhaldi. 

Þeir hafa verið af taka lán út á þessa bókfærðu eign, sem er óveiddur fiskur, sem syndir um frjáls í hafinu. 

Sumir hafa séð ástæðu til að selja auðlindina til annarra og fengið góðan pening fyrir sem þeir hafa notað í brask og fjárhættuspil.

Þeir hafa leigutekjur af auðlind þjóðarinnar sem þeir fá í sinn hlut það er þjóðin öll sem á að njóta góðs af auðlind sem hún á. 

Það er mál til komið að hætt sé að taka sérhagsmuni fárra fram yfir heildarhagsmuni allra þegna landsins.

Fyrningaleiðin er leið sem á að fara og þó að ég telji að of hægt sé farið í að leggja af þetta kerfi er það þó byrjunin.

Kveðja,
Grétar Mar

Ríkisfyrirtæki og auglýsingar

Nú á tímum efnahagssamdráttar er með ólíkindum að hægt sé að eyða pening í að auglýsa hinar ýmsu uppákomur með heilsíðuauglýsingum í fréttamiðlum landsins.

Það þurfi heilsíðu auglýsingu í Fréttablaðinu í gær til að óska Jóhönnu til hamingju með annað sætið í Moskvu. Spurningin er hvort Ríkisútvarpaði hefði ekki átt að láta sér nægja að nota eigin útsendingartíma til að halda áfram að fangna sigrinum í gær eins og þeir gerðu á sunnudaginn.  

Ríkisbankarnir telja að þeir þurfi að fara í ímyndarherferð sem kostar milljónir til að ná til sýn viðskiptavinum. Það er einkennilegt að bankar sem eru í eigu sama aðila, ríkisins, þurfi eða eigi að vera í samkeppni við hvern annan og nota til þess fé sem við eigum og þurfum að nota til að byggja upp atvinnufyrirtæki sem nú skortir rekstrarfé.

Það er nóg komið að bruðli með skattfé almennings. Það er að skornum skammti ef tekið er mið af þeim niðurskurði sem boðaður er í velferðarmálum. Þegar þrengir að þarf að nota peninga með skynsamlegum hætti. Þeir detta ekki lengur af himnum ofan né verða til í fjárhættuspilum útrásarvíkinganna.

Kveðja,
Grétar Mar